Shyǵys Qazaqstanda órtti ózi sóndirmek bolǵan áıel zardap shekti
ÓSKEMEN. QazAqparat – Shyǵys Qazaqstan oblysy Ulan aýdanynyń turǵyny úıinde shyqqan órtti sóndiremin dep zardap shekti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 6 qazan kúni keshki ýaqytta Gerasımovka aýylyndaǵy jeke turǵyn úıde órt shyqqan. 1977 jylǵy áıel jumystan oralǵan kezde úıdegi tútindi kóredi.
Ol birden «101» nómirine qońyraý shalady da, sodan keıin qyzyl jalyndy óz kúshimen sóndirýge tyrysqan.
«Alaıda órtti aýyzdyqtaı almaǵan áıel adam tútinge tunshyǵyp, oqıǵa ornyna kelip jetken Apattar medıtsınasy ortalyǵy qyzmetkerleriniń kómegine júgindi. Alǵashqy medıtsınalyq kómek kórsetilgen soń ol kómirtegi totyǵynan ortasha dárejedegi ýlaný belgilerimen Óskemendegi aýrýhanaǵa jatqyzyldy» dep habarlady vedomstvo ókilderi.
Órt sóndirýshiler jalpy aýdany 100 sharshy metrge jetken tilsiz jaýdy aýyzdyqtady. Sondaı-aq jer úıden 2 gaz ballony shyǵarylǵan.
