Shyǵys Qazaqstanda órtengen úıden 80-nen asqan eki ájeı qutqaryldy

ÓSKEMEN. QazAqparat – Shyǵys Qazaqstan oblysy Altaı aýdanynda órtengen úıden 80-nen asqan eki keıýana qutqaryldy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 14 aqpan kúni Altaı qalasyndaǵy Astana kóshesinde bolǵan.

Kópqabatty turǵyn úıdiń ekinshi qabatyndaǵy páterden órt shyqty.

«Oqıǵa ornyna №2 mamandandyrylǵan órt sóndirý bólimshesiniń qyzmetkerleri kelgen kezde páter ishindegi jıhaz, jeke zattar, tereze jáne esik bloktary janyp jatty. Úı ıesi otty óz kúshimen sóndirgisi kelgen. Biraq onysynan túk shyqpady. Qutqarýshylar 89 jáne 84 jastaǵy eki ájeni baspaldaqpen syrtqa alyp shyqty. Jedel járdem dárigerleri teksergennen keıin olardy aýrýhanaǵa jatqyzýdyń qajeti bolǵan joq», - delingen aqparatta.

Kóp uzamaı jalpy aýdany 12 sharshy metrge jaıylǵan qyzyl jalyn tolyqtaı sóndirildi. Tilsiz jaýmen kúreske 9 adam men 3 tehnıka jumyldyrylǵan.

Foto: ShQO TJD baspasóz qyzmetinen