Shyǵys Qazaqstanda órtengen úıden 4 adam qutqaryldy
ÓSKEMEN. QazAqparat – Shyǵys Qazaqstan oblysy Altaı aýdanynda órtengen úıden 4 adam qutqaryldy, dep habarlaıdy QazAqparat tilshisi.
Oblystyq Tótenshe jaǵdaılar departamenti baspasóz qyzmetiniń málimetine súıensek, Altaı qalasyndaǵy Bocharnıkov kóshesinde órt shyqqan. Kópqabatty turǵyn úıdiń birinshi qabatynda ornalasqan 2 bólmeli páterdiń jatyn bólmesinde jıhazdyń aǵash qurylymdary men jeke zattar jandy. Jalyn sharpyǵan aýmaq 7 sharshy metrdi quraǵan.
«Órttiń saldarynan podez ishi men kórshi páterlerdi kók tútin tumshalady. Turǵyndar úıden óz betinshe shyǵa almaǵan. Gaz-tútinnen qorǵaý qyzmetiniń mamandary ekinshi qabattaǵy páterlerden 4 adamǵa arnaıy maska kıgizip qutqaryp, syrtqa alyp shyqty. Sodan keıin qutqarýshylar ekinshi qabattyń terezesindegi mysyqty baıqap, ony da aýlaǵa shyǵarǵan», - delingen aqparatta.
Aldyn ala málimet boıynsha órttiń shyǵý sebebi – otty abaısyz qoldanýdan bolýy múmkin.
