Shyǵys Qazaqstanda órtengen úıden 3 adamnyń denesi tabyldy
ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 15 naýryzda Jańa Buqtyrma kentinde bolǵan.
Órt sóndirýshilerge habarlasqan kýágerler besqabatty úıdiń 4-shi qabatyndaǵy páterden qatty tútin shyǵyp jatqandyǵyn aıtty.
Olar oqıǵa ornyna jetken kezde tórgi bólmede dıvan, kilem men aǵash eden janyp jatqan.
Barlaý barysynda jatyn bólmeden 1973 jáne 1975 jylǵy er adamdar men 1977 jyly týǵan áıeldiń denesi tabyldy. Ólimniń naqty neden bolǵany áli anyqtalmady.
Qazirgi ýaqytta tıisti saraptamalar taǵaıyndalǵan.
«Kóp uzamaı jalpy aýdany 4 sharshy metrdi quraǵan tilsiz jaý tolyqtaı aýyzdyqtaldy. Aldyn ala derek boıynsha qyzyl jalynnyń shyǵýyna otty abaısyz paıdalaný sebep bolǵan. Órtti sóndirýge jeke quramnan 4 adam men 2 tehnıka jumyldyryldy», - delingen aqparatta.