Shyǵys Qazaqstanda órtengen kólikten er adamnyń máıiti tabyldy
ÓSKEMEN. QazAqparat – Shyǵys Qazaqstan oblysy Altaı aýdanynda órtengen kólikten er adamnyń máıiti tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, órtengen kólik Matrosov pen Engels kósheleriniń qıylysynda turǵan.
«Tilsiz jaý aýyzdyqtalǵannan keıin Mazda markaly kóliktiń ishinen er adamnyń máıiti tabyldy. Atalǵan fakti boıynsha QR Qylmystyq Kodeksiniń 204-baby 2-bóligimen sotqa deıingi tergeý amaldary bastaldy», - dep habarlady vedomstvo ókilderi.
Qazirgi ýaqytta oqıǵanyń barlyq mán-jaıy tekserilý ústinde.
Marqumnyń kim ekenin anyqtaý úshin tıisti saraptama taǵaıyndaldy.
