Shyǵys Qazaqstanda órt qaýipsizdigi buzylǵan jer úıler az emes – Marat Kúldikov
«Qazan aıynda jylytý maýsymy bastalǵan. Sodan beri ShQO qutqarýshylary jer úılerge tekserý júrgizip jatyr. Olar azamattarǵa ádistemelik kómek kórsetýde, atap aıtqanda peshti, elektr jabdyqtaryn paıdalaný, gaz jabdyqtary men ballondardy saqtaý týraly aqyl-keńes berip jatyr. Profılaktıkalyq sharalar jylytý maýsymynyń sońyna deıin júrgiziledi», - dedi Marat Kúldikov.
Onyń aıtýynsha, osy ýaqytqa deıin oblystyq TJD qyzmetkerleri 78 myńnan astam úıdi aralap shyqqan.
«Sonyń nátıjesinde, órt qaýipsizdigin buzýdyń 17 myńnan astam faktisi anyqtaldy. Onyń 3 myńnan astamy sol jerde túzetildi. Qalǵan kemshilikter boıynsha úı ıelerine tıisti usynymdar berildi», - dedi QR Tótenshe jaǵdaılar vıtse-mınıstri.
Óz sózinde ol ákimdikpen jáne úkimettik emes uıymdarmen birlesip, muqtaj otbasylardyń úıine órt shyqqanyn aıtyp, dabyl qaǵatyn datchıkti ornatýdyń mańyzy zor ekenin jetkizdi.
Shyǵys Qazaqstandaǵy úılerge osyndaı 2 340 datchık ornatylǵan.
