Shyǵys Qazaqstanda ormanda taǵy órt shyqty
ÓSKEMEN. QazAqparat – Shyǵys Qazaqstan oblysyndaǵy Pıhtovsk orman sharýashylyǵynda terek mamyǵynan órt shyqqan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 26 mamyrda saǵat 19.47-de Pıhtovsk orman sharýashylyǵynyń Kedrovsk ormanshylyǵynda terek mamyǵy órtengen. Oqıǵa ornyna órt sóndirýshiler shuǵyl kelip jetti.
«Kóp uzamaı jalpy aýdany 0,0366 gektardy sharpyǵan qyzyl jalyn aýyzdyqtaldy. Aldyn ala málimet boıynsha tilsiz jaýdyń shyǵýyna otpen abaısyz áreket etý sebep bolǵan. Órtti sóndirýge jeke quramnan 13 adam, 15 ormanshy men 8 tehnıka jumyldyryldy», - dep habarlady vedomstvo ókilderi.
Osy rette, departament mamandary óńir jurtshylyǵyna órt qaýipsizdigi erejelerin qatań saqtaý qajettigin eskertedi.
Esterińizge sala ketsek, 10 mamyr kúni Rıdder orman sharýashylyǵynda shyqqan alapat órt 300 gektar aýmaqqa jaıylǵan bolatyn.
