Shyǵys Qazaqstanda ormanda adasyp ketken 61 jastaǵy er adam tabyldy
ÓSKEMEN. QazAqparat – Shyǵys Qazaqstan oblysynda ormanda adasyp ketken 61 jastaǵy er adam tabyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 9 qańtarda saǵat 21.00-shamasynda qutqarýshylarǵa 61 jastaǵy er adamnyń «Borovlıanka» demalys bazasyna qaraı jylqysyn izdeýge shyǵyp, sol kúıi habar-osharsyz ketkeni týraly habar túsken.
Ozerkı aýylynan eki týysy atqa minip alyp ony izdeýge shyqqan.
«Kóp uzamaı TJD qyzmetkerleri kómekke kelip jetti. Olar Novopokrovka aýylynan 5 shaqyrymdaı jerdegi ormannan er adamdy taýyp aldy. Qutqarýshylar ony úıine jetkizdi. Azamat medıtsınalyq kómekke muqtaj bolǵan joq», - dep habarlady vedomstvo ókilderi.
Osy rette, departament mamandary óńir jurtshylyǵyna daýyldy eskertý kezinde alys jolǵa shyqpaý qajettigin eskertedi.
