Shyǵys Qazaqstanda orman órti eki ese artty
ÓSKEMEN. QazAqparat - Shyǵys Qazaqstan oblysynda bıyl orman órti 1,8 esege artyp otyr, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, jyl basynan beri óńirde 118 orman órti tirkelgen.
Bul - 2020 jyldyń sáıkes kezeńimen salystyrǵanda 1,8 ese artyq. Tilsiz jaýdyń saldarynan 483,53 gektar orman alqaby joıyldy.
Ótken aptada orman órtteri Besqaraǵaı, Tarbaǵataı, Borodýlıha aýdandarynda boldy.
Órt sóndirýshiler, ormanshylar, jergilikti atqarýshy organdardyń qyzmetkerleri jáne sharýa qojalyqtardyń jumysshylary qyzyl jalyndy aýyzdyqtaýǵa jumyldyrylǵan.
- Órttiń shyǵý sebepteri ártúrli. 75% jaǵdaıda – naızaǵaıdyń saldarynan ot shyǵady. Qalǵany ádette turǵyndardyń kinásinen. Negizinen orman órtin anyqtaýmen jáne sóndirýmen «Qazavıaormanqorǵaý» memlekettik kásiporny aınalysady. Olarǵa TJD órt sóndirýshileri men jergilikti atqarýshy organdar árkez kómek kórsetip keledi, - dep habarlady vedomstvo ókilderi.
