Shyǵys Qazaqstanda oblysynda úsh ýchaskede jol jabyldy

ÓSKEMEN. QazAqparat – Shyǵys Qazaqstan oblysynda qar kóshkini qaýpine baılanysty úsh ýchaskede jol jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi úsh tasjolda qar kóshkini túsýi yqtımal.

«Oblystyq mańyzy bar «Óskemen-Altaı», «Óskemen-Taýly Úlbi-Altaı alpisi» jáne «Taıynty-Samar» tasjoldarynda kóliktiń barlyq túri úshin qozǵalysqa tyıym salyndy», - delingen aqparatta.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, buǵan deıin Shyǵys Qazaqstan oblysynda qar kóshkininiń aldyn alý úshin taýda 2 ret jarylys jasalǵany habarlanǵan edi.