Shyǵys Qazaqstanda oblystyq joldardyń barlyǵy ashyldy
ÓSKEMEN. QazAqparat – Shyǵys Qazaqstanda oblystyq mańyzy bar joldardyń barlyǵy qozǵalys úshin qaıta ashyldy, dep habarlaıdy QazAqparat tilshisi.
ShQO Polıtsııa departamenti bastyǵynyń birinshi orynbasary Janbolat Káletaevtyń aıtýynsha, aýa raıy ahýaly jaqsarǵandyqtan, búgin saǵat 11.40-tan bastap respýblıkalyq mańyzy bar Óskemen-Semeı tas jolynyń 10-198 shaqyrymynda (Gerasımovka –Semeı) jol qaıta ashyldy.
Eske sala ketsek, «QazAvtoJol» UK» AQ aýa raıynyń qolaısyzdyǵyna baılanysty Úsharal-Dostyq pen Óskemen-Semeı jolynyń ýchaskelerinde kólik qozǵalysyna ýaqytsha shekteý qoıylǵanyn habarlaǵan bolatyn.
