Shyǵys Qazaqstanda nóser jaýynnan keıin úılerdi sý basty
TARBAǴATAI. QazAqparat - Shyǵys Qazaqstan oblysynyń Tarbaǵataı aýdanynda nóser jaýyn saldarynan úılerdi sý basty, dep habarlaıdy QazAqparat oblystyq tótenshe jaǵdaılar departamentine silteme jasap.
19 shildeniń keshinde Tarbaǵataı aýdanynyń Jańaaýyl aýylynda nóser jaýyn bolyp, saldarynan 10 turǵyn úıdi sý basty. Aýyldaǵy sý deńgeıi shamamen 20 santımetrdi quraǵan.
Sý basqannan keıin úsh sharýashylyq qurylystyń saman qabyrǵalary jarym-jartylaı buzylǵan. Sý basqan úılerdiń turǵyndary – 20 adam týystarynyń úıine jaıǵastyryldy.
Aýdandyq órt sóndirý qyzmetkerleri sýdy motosorǵynyń kómegimen tartyp aldy. Barlyǵy 7000-ǵa jýyq tekshe metr sý soryp alynǵan.
Qazirgi kezde úılerden sý ketti. Komıssııa kelgen shyǵyndy anyqtaý ústinde.
