Shyǵys Qazaqstanda myńnan astam zańsyz mıgrant jaýapqa tartyldy
ÓSKEMEN. QazAqparat - Respýblıkalyq «Zańsyz» jedel-aldyn alý sharalarynyń ekinshi kezeńi aıasynda Shyǵys Qazaqstanda úsh kúnde 1130 zańsyz mıgrant jaýapqa tartyldy, dep habarlaıdy «QazAqparat» HAA tilshisi ishki ister departamentine silteme jasap.
Oblystaǵy kóshi-qon, qylmys jáne jergilikti polıtsııa qyzmetterinen jasaqtalǵan 50 jyljymaly top qurylys alańdaryn, bazarlardy, oqý oryndaryn, jalpy tamaqtaný oryndaryn tekserdi.
«1130 ákimshilik hattamatoltyryldy, sonyń ishinde 477 zańsyz mıgrant alys shetelderden kelgen. Elimizdiń mıgratsııalyq zańdylyǵyn buzǵandardy qabyldaǵany úshin 100 tulǵa, al 9 jumys berýshi zańsyz sheteldik jumys kúshin paıdalanǵany úshin jaýapqa tartyldy», - dep málimdedi ShQO ІІD-degiler.
Budan tys, 11 kóshi-qon zańdylyǵyn buzý faktisi boıynsha sotqa deıingi tergeý amaldary bastalǵan. Sheteldikti Qazaqstan Respýblıkasy aýmaǵynan shyǵaryp jiberý boıynsha 106 sot aktisi qabyldanyp, 430 sheteldiktiń Qazaqstanda bolý merzimi qysqartylǵan.
