Shyǵys Qazaqstanda muz ótkelinen ótýge tyıym salyndy
KÚRShІM AÝDANY. QazAqparat – Shyǵys Qazaqstan oblysynda «Qyzyl tý» muz ótkelinde qozǵalys toqtady, dep habarlaıdy QazAqparat tilshisi.
«ShQO PD Ákimshilik polıtsııa basqarmasy oblys turǵyndaryna aýa temperatýrasynyń kóterilip, qar men muzdyń tolassyz erýine baılanysty 20 naýryzdan bastap «Qyzyl tý» muz ótkeli arqyly qozǵalystyń jabylǵanyn habarlaıdy. Tyıym salynǵan jol belgileri talaptaryn oryndaý qajet jáne muz ótkeli arqyly kólik quraldary júrmeýi tıis», - dep atap ótti vedomstvoda.
Parom ótkeli ashylǵanǵa deıin kólik quraldary Kúrshim aýdanynan oblys ortalyǵyna avtomobıl jolymen bara alady: Kúrshim - Úlken Naryn – Altaı – Óskemen jáne Kúrshim – Zaısan – Óskemen.
