Shyǵys Qazaqstanda muz astyna ketken qyzdyń denesi tabyldy
ASTANA. QazAqparat - Shyǵys Qazaqstan oblysynda Buqtyrma sý qoımasyna batyp ketken qyzdyń denesi tabyldy. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
Onyń aıtýynsha, búgin Shyǵys Qazaqstan oblysynyń Kúrshim aýdanynda, Alǵabas aýylynan 10 shaqyrym jerde Buqtyrma sý qoımasynyń Aqqudyq ýchaskesinde jarylǵan muz astyna ketken 5 jasar qyzdy izdeý jumystary júrgizilgen. Tańerteńgi 07:30-da bastalǵan jumysqa Tótenshe jaǵdaılar komıtetiniń Shyǵys óńirlik aeromobıldi jedel qutqarý jasaǵynyń qutqarýshylary jumyldyrylǵan.
«Saǵat 09:30-da qutqarýshylar qyzdyń múrdesin sýdan alyp shyqty. Qaıǵyly oqıǵa 18 qańtar kúni shamamen 21:00-de oryn alǵan. Vaz-2109 ruqsat etilmegen jermen kele jatqanda muz oıylyp, kólik sý astyna ketken. Avtomobılde erli-zaıyptylarmen birge, olardyń úsh balasy bolǵan. Tórt adam óz betterinshe muz betine shyǵyp, aman qaldy, al qyz sýǵa batyp ketken»,- dedi Nursultan Nurhametov.
