Shyǵys Qazaqstanda monshaǵa túsken bala mert bola jazdady
SEMEI. QazAqparat - Shyǵys Qazaqstan oblysynda 8 jasar bala monshaǵa túsemin dep jazym bola jazdady, dep habarlaıdy QazAqparat tilshisi.
Zaısan aýdanynda monshaǵa túsken soń 8 jasar bala esinen tanyp qaldy. Oǵan biteý murja sebep bolǵan. Esinen tanyp jatqan balany ata-anasy tapqansha ıis gazyna tunshyǵyp úlgergen.
Jyldam aýrýhanaǵa jetkizilgen balanyń jaǵdaıy qazir qalypty, dárigerler baqylap otyr. Ata-anasy eskertý túrindegi ákimshilik jaýapqa tartyldy.
Shyǵys Qazaqstanda ıis gazynan ýlanýdyń statıstıkasy alańdatady. Jyl basynan beri oblysta osyndaı 15 oqıǵa bolyp, 15 adam, sonyń ishinde alty bala zardap shegip, eki adamnyń ómiri qıyldy, sonyń biri bala edi.
