Shyǵys Qazaqstanda meıram kúnderi 10 ret órt shyqty
ÓSKEMEN. QazAqparat – Shyǵys Qazaqstan oblysynda 20 naýryzdan bastap búginge deıin 10 ret órt shyqqan, dep habarlaıdy QazAqparat tilshisi.
ShQO TJD departamenti baspasóz qyzmetiniń málimetine súıensek, 20-24 naýryz aralyǵynda qutqarýshylar 4 jer úıdegi, 1 páterdegi, dúkendegi, dámhanadaǵy, dúńgirshektegi jáne 2 monshadaǵy órtti aýyzdyqtady.
«Rıdder qalasyndaǵy Semenova kóshesinde kópqabatty turǵyn úıdiń 2-qabatynda ornalasqan bir bólmeli páterde tósek pen jeke zattar jandy. Órttiń shyǵý sebebi – shylym shegý kezindegi abaısyzdyq. Oqıǵa ornyna shuǵyl kelip jetken órt sóndirýshiler qyzyl jalyndy tolyqtaı óshirdi», - delingen aqparatta.
Semeıde jeke turǵyn úı órtengen. Tilsiz jaýdyń jalpy aýdany 10 sharshy metrdi qurady. Al Óskemen qalasynyń Ahmer kentinde jer úı aýlasyndaǵy monsha shatyry otqa oranǵan. Órttiń shyǵý sebebi – peshti ornatý jáne paıdalaný kezinde qaýipsizdik talaptaryn saqtamaý. Osyǵan uqsas jaǵdaı Tarbaǵataı aýdanynyń Aqsýat aýylynda bolǵan. Qutqarýshylar 150 sharshy metr alańdaǵy órtti sóndirdi.
«Óskemende Qazaqstan kóshesindegi 5 qabatty turǵyn úıdiń birinshi qabatynda ornalasqan dámhanada órt boldy. Ot jıhazdyń aǵash qurylymdaryn, stellajdy, turmystyq tehnıkanyń janǵysh bólshekterin sharpydy. Órttiń shyǵý sebebi – elektr jabdyǵyn montajdaý jáne paıdalaný kezinde qaýipsizdik talaptaryn buzý», - delingen habarlamada.
Sondaı-aq Semeıde jeke turǵan azyq-túlik dúńgirsheginde órt shyqqan.
