Shyǵys Qazaqstanda maral atqan brakoner ustaldy

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri maral atqan brakonerdi ustady, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Altaı aýdanynyń tártip saqshylary Jańa Buqtyrma kentiniń turǵyny tizgindep kele jatqan «Mazda» markaly kólikti toqtatqan.

«Tekserý barysynda júk salǵyshtan jabaıy maral eti tabyldy. Sondaı-aq kólikten «VPO 208L» markaly tegis uńǵyly ańshylyq karabın tárkilendi.

Belgili bolǵandaı, er adam Buqtyrma sý qoımasynan shamamen 15 shaqyrym jerde maraldy atyp alǵan.

Etti kóligine salyp, úıge qaıtyp bara jatqan jerinde polıtseıler toqtatty», - delingen aqparatta.

61 jastaǵy azamat óz kinásin moıyndap otyr.

Qazirgi ýaqytta atalǵan fakti boıynsha QR QK-niń 337-baby 1-bóligine (Zańsyz ań aýlaý) sáıkes sotqa deıingi tergeý amaldary júrgizilýde.