Shyǵys Qazaqstanda mal jaıý erejelerin buzǵan 56 adamǵa aıyppul salyndy

ÓSKEMEN. QazAqparat – Shyǵys Qazaqstan oblysynda mal jaıý erejelerin buzǵan 56 adamǵa aıyppul salyndy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda 15 qarashadan bastap «Mal urlyǵy» jedel-aldyn alý sharasyn júrgizýde. Mundaǵy maqsat – mal urlyǵymen aınalysatyndardy anyqtaý jáne qylmystyq jaýapkershilikke tartý.

«Bir kún ishinde polıtseıler mal men et ónimderin tasymaldaǵan 139 avtokólikti, 122 sharýa qojalyǵyn jáne saýda oryndaryn tekserdi. Veterınarııa salasynda quqyq buzýshylyq jasaǵan 18 adam QR ÁQBtK-niń 406-babyna sáıkes jaýapqa tartyldy. Sondaı-aq mal jaıý erejelerin buzǵan 56 adamǵa aıyppul salyndy», - delingen aqparatta.

Polıtsııa qyzmetkerleri shara barysynda turǵyndarǵa maldy tańbalaýǵa jáne qaraýsyz qaldyrmaýǵa keńes berdi.