Shyǵys Qazaqstanda qyryq jyl bolǵan mektep jóndelip jatyr

Alaıda, Shyǵys Qazaqstan oblysynyń Shemonaıha qalasyndaǵy №3 mektep úshin, ondaǵy ustazdar qaýymy men bilim alyp jatqan oqýshylar úshin osy kún mereke bitkenniń tóresi deýge bolady. Sebebi, mektep - keshegi KSRO-nyń tuńǵysh ǵaryshkeri ıÝ.Gagarın atymen atalady., dep jazady «Dıdar» gazeti. 

- ıÝ.Gagarın esimi bizdiń bilim ordamyzdyń maqtanyshy. Al 12-shi sáýir bizdiń mektebimizdiń menshikti merekesi deýge bolady. Bul kúnge biz erekshe ázirlenip, jyl boıy osy kúndi taǵatsyzdana kútemiz. Osy kúni mektep oqýshylary men ustazdar qaýymy bar ónerlerin ortaǵa salyp, merekelik úlken kontsert daıyndaıdy. Odan bólek, mekteptiń burynǵy túlekteri, zeınet jasyndaǵy ustazdar qonaqqa shaqyrylyp túrli sporttyq sharalar uıymdastyramyz - deıdi bizdi kireberis aýlada qarsy alǵan mektep dırektory E.Sedyh. 

- Árıne, ǵaryshkerler kúninen basqa, elimizde atalyp ótiletin ózge merekelerdiń de árqaısysynyń alar oryndary erekshe. Aıtalyq, Táýelsizdik pen Uly Jeńis merekelerin de, Naýryz meıramy men qarttar kúnin de ataýsyz qaldyrmaımyz. Degenmen, ıÝ.Gagarın atyndaǵy mektep bolǵandyqtan ózgelerge qaraǵanda biz ǵarysh álemine jaqynyraqpyz. Kitaphanamyzda Baıqońyr kosmodromy jaıynda, elimizdiń ǵaryshkerleriniń ómirbaıandary men ǵarysh salasyna arnalǵan derekter molynan jınaqtalǵan qory baı kórmemiz bar.

«Syrly aıaqtyń syry ketse de, syny ketpes» degendeı, ótken ǵasyrdyń 70-shi jyldarynyń basynda paıdalanýǵa berilgen tórt qabatty mektep ǵımaraty áli de syr bere qoımapty. Áýelde 1200 balaǵa arnap salynǵan bilim uıasynda dál qazir 774 oqýshy alańsyz bilim alyp jatqan bolsa, solardyń 72-si mektep tabaldyryǵyn bıyl ǵana attaǵan búldirshinder. Birden aıta ketýimiz kerek, bul mektepte qazaq synyptary joq. Sabaq tek orys tilinde júrgiziledi. Óıtkeni Shemonaıha aýdanynyń 50 myńǵa jýyq halqynyń bar bolǵany bes paıyzyn ǵana jergilikti ult ókilderi, ıaǵnı, qazaq ulty quraıtyn kórinedi. Mektep ujymynyń shyǵarmashylyq jetistigi men rýhanı ómirinen qysqasha maǵlumat bergen mektep dırektory áńgime aýanyn sharýashylyq salasyna baǵyttap, byltyrdan beri júrgizilip jatqan jóndeý jumystarymen tanystyra bastady. 

- Men bul ujymǵa basshy bop ótken jyldyń sáýir aıynda kelgen bolatynmyn. Basshy bolǵasyn tek qana bilim jaǵyn basty nazarda ustap otyrý jetkiliksiz. Bilegińdi túrip ap, mekteptiń barlyq sharýasyna aralasýyńa týra keledi. Byltyr jazda mektep ǵımaratynyń tóbesin ashyp-jabý jumystaryn bastaǵan edik. Bıyl sol jumys jalǵasyn taýyp jatyr. Aýdan boıynsha «Jumyspen qamtýdyń jol kartasy» baǵdarlamasymen 14 nysanǵa túrli dárejedegi jóndeý jumystary júrgizilýi qajet bolsa, sonyń biri bolyp bizdiń mektebimiz tirkelgen eken. Memlekettiń berip otyrǵan mundaı múmkindigin paıdalana otyryp, shildeniń sońynda «Altaıremstroı» JShS-men kelisimshartqa otyrǵanbyz. Bul jumystyń shyǵyny shamamen 8 mln. 700 myńdaı qarajatqa shyqty. Birinshi kezekte mektep ǵımaratynyń qyryq jyldan bergi aǵashtan jasalǵan barlyq esik-terezelerin (barlyǵy 104) plastıkaǵa almastyryp aldyq. Eskiniń aty eski emes pe, olardy jylda syrlap, boıap, ózimizshe jamap-jasqap qoıǵanymyzben jyl ótken saıyn ashylyp-jabylýlary da nasharlap, jel soqsa jazda shań kirip, qysta qar úrlep ábden mazamyz ketip júrgen. Tipti, sońǵy jyldary, ásirese, qystyń kúnderi únemi jel soǵyp turatyn ońtústik jaqtyń áınekterine tselofan tutqan kezderimiz de bolǵan. Endi ondaı bas aýrýynan birjolata qutylatyn boldyq. 

Áńgime ǵımarattyń tóbesinde júrgizilip jatqan jóndeý jumystaryna oıysqanda sózimizge Shemonaıha aýdany ishki saıasat bóliminiń meńgerýshisi T.Stepanova aralasty. - Qazir munda tóbeni ashyp-jabý jumystary júrgizilip jatyr. Ol jumysty moınyna «Ýkastroıservıs» kompanııasy alyp otyr. Bularmen kelisimshartqa maýsym aıynda otyrsaq ta, jaz boıǵy tolassyz jaýǵan jaýyn saldarynan jumys áli bitpeı jatyr, degenmen taıap qaldy, - degen Tatıana Sergeevna dál osy mekteptiki sekildi tóbesi shatyrlanbaǵan, ıaǵnı rýberoıd tósep jabylǵan kez kelgen ǵımarattardyń barlyǵy derlik klımaty jaıly, jyly jaqtarǵa arnalatyndyǵyn aıtyp ótti. - Bul rýberoıdtar bizdiń jaqtyń qaharly qysyna, mysaly 40-50 gradýstyq aıazdary men qarly borandaryna shydas bermeı jyrtylyp qalady. Sondyqtan qaıta-qaıta qarajatty rásýa qylǵansha, bolashaqta mundaı tóbelerdi shatyrlap tastaý kerek. Ondaı shatyrlanyp jatqan ǵımarattar bizde bar. Aıtalyq, aýdandyq aýrýhana alǵashqylardyń biri bop, bıyl osyndaı qadamǵa baryp otyr. Nátıjesi jaman emes, ondaǵy jóndeý jumystary jaqyn ýaqyttarda aıaqtalyp ta qalady. - deıdi T.Stepanova.

ıÝ.Gagarın atyndaǵy bilim oshaǵynyń jylý, ystyq-sýyq sý júıeleri 2010 jyly bir márte jóndeýden ótkizilgen. Terrorızmge qarsy qaýipsizdik sharalary da qolǵa alynyp, mekteptiń ishi-syrtyna beınebaqylaý kameralary ornatylǵan. Onyń barlyq basqarý tetigi sol jerdegi kúzet qyzmetine tapsyrylǵan. Ol jerdegiler bir aı boıy júrgizilgen beınejazbalardy aı sońynda muqııat qarap shyǵyp, mektep ákimshiligi men jergilikti quqyq qorǵaý organdaryna jazbasha túrde málimet berip otyrady. 

- Qazir elimiz boıynsha jer-jerlerde sporttyń qaı túrine bolmasyn erekshe nazar aýdarylyp jatyr ǵoı. Bizdiń mektep túlekteriniń de sporttyq jetistikterge qol jetkizip, mektebimizdiń, aýdanymyzdyń qala berdi elimizdiń atyn shyǵarsa degen tilegimiz bar. Osy oraıda, endigi bir oıymyzda júrgeni, keler jyldary mektebimizdiń sportzalyna kúrdeli jóndeý júrgizip alsaq, - deıdi, ǵaryshker atyndaǵy mekteptiń sharýaqor dırektory Elena Petrovna.
Alda, sirkiregen aq jaýyny kóp uzamaı qarǵa ulasatyn kúzdiń laısań da, yzǵarly kúnderi kele jatyr. Sondyqtan ǵımarattyń tóbesine jóndeý júrgizip jatqan jumyskerler úshin árbir jaýyn-shashynsyz ashyq kúnniń ár saǵaty men mınýty qymbat. Óz isteriniń kásibı mamany sanalatyn azamattardyń aınalaǵa moıyn burýǵa murshalary joq. 
Bári de - bolashaq urpaq úshin.

Serik Qusanbaev

Shemonaıha aýdany.