Shyǵys Qazaqstanda kúz bastalǵaly 10 myńǵa jýyq adam JRVI juqtyrdy

ÓSKEMEN. QazAqparat – Shyǵys Qazaqstan oblysynda kúz bastalǵaly 10 myńǵa jýyq adam jiti respıratorlyq vırýs ınfektsııasyn juqtyrdy, dep habarlaıdy QazAqparat tilshisi.

ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńirde qyrkúıek aıynda 3 628 adam jiti respıratorlyq vırýs ınfektsııasyn juqtyryp alǵan. Al qazan aıynyń basynan beri 6001 adam JRVI-ge shaldyqty.

Ótken jyldyń sáıkes kezeńimen salystyrǵanda bul kórsetkish 1,7 esege tómendep otyr. JRVI-den ólim-jitim jaǵdaılary bolǵan joq.

«Atalǵan ınfektsııany juqtyrǵandar sany jaǵynan óńir boıynsha Óskemen qalasy (7668 adam) birinshi orynda tur. Al Kúrshim aýdany (3 adam) eń sońǵy orynda. 2021 jyly JRVI-ge qatysty statıstıka joǵary bolǵan. Sebebi turǵyndar koronavırýs pandemııasyna baılanysty medıtsınalyq kómekke jıi júgindi», - delingen aqparatta.