Shyǵys Qazaqstanda kúshti jel 30-ǵa jýyq úıdiń shatyryn julyp áketti
ZAISAN. QazAqparat - Shyǵys Qazaqstan oblysynyń Zaısan aýdanynda ekpindi jel jeke úılerdiń shatyryn ushyryp áketti, dep habarlaıdy QazAqparat ShQO tótenshe jaǵdaılap departamentine silteme jasap.
Shyǵys Qazaqstan oblysynyń Zaısan aýdanynda tabıǵı zaýaldan ásirese Qaratal aýyly qatty zardap shekti. Munda sanaýly mınýttarda óte kúshti jel soǵyp, ekpini sekýndyna 27 metrge jetken. Aýyldaǵy kóshelerdiń birinde 25-30 úıdiń shatyry julynǵan.
Jergilikti turǵyndar arasynda zardap shekken eshkim joq. Oqıǵa ornynda arnaıy komıssııa jumys istep jatyr. Olar tabıǵat apatynan kelgen shyǵynnyń kólemin anyqtaý ústinde.
Eske sala keteıik, keshe «Qazgıdromet» mamandary Shyǵys Qazaqstanda jel soǵyp, daýyl turatynyn, burshaq jaýatynyn eskertken bolatyn.
