Shyǵys Qazaqstanda qus tumaýy tirkeldi

ÓSKEMEN. QazAqparat – Shyǵys Qazaqstan oblysynda qus tumaýy tirkeldi, dep habarlaıdy QazAqparat tilshisi.

ShQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetine súıensek, birneshe qus (qaz) ólimi 30 qyrkúıek pen 4 qazan aralyǵynda Besqaraǵaı aýdanynyń Baskól aýylyndaǵy tórt jeke sharýashylyqta bolǵan.

Veterınarlyq qyzmet mamandary patologııalyq materıaldan synamalar alyp, Nur-Sultan qalasyndaǵy veterınarlyq zerthanaǵa jetkizdi. Zertteý nátıjeleri boıynsha joǵary patogendi qus tumaýy anyqtalǵan.

«Ólgen qustar arnaıy belgilengen jerde órtelip joıyldy. Baskól aýyldyq okrýgi ákiminiń № 11 qaýlysy shyǵyp, 21 táýlikke karantın rejımi engizildi. Qaýlyǵa sáıkes eldi mekenderden shyǵýǵa, qus ónimderin eksporttaýǵa shekteý qoıyldy», - delingen habarlamada.

Aıta keteıik, jalpy Besqaraǵaı aýdanynda 25800 qus tirkelse, onyń 1245-i Baskól aýylynda. Onda qustarǵa vaktsına salynǵan.