Shyǵys Qazaqstanda qurylysshy mamandar tapshy
ShQO Kásipkerler palatasy baspasóz qyzmetiniń málimetine súıensek, bıyl qurylys materıaldarynyń quny eki esege ósken.
«Óńirdegi qurylys salasynyń basty máselesi – jumys kúshiniń tapshylyǵy bolyp otyr. Oblysta qurylysshylardy daıyndaıtyn kolledjder men joǵary oqý oryndary bar. Alaıda qurylys mamandyǵy boıynsha dıplom alǵan jastar basqa salaǵa ketip jatyr. Olar oqý kezinde is-tájirıbege barǵanda jumystyń aýyrlyǵyn kórip, jeńil jumys izdeýge kóshedi», - dedi palata dırektory Qaırat Mamyrbaev.
Shyǵys Qazaqstanda búginde 18 kolledj 14 mamandyq boıynsha qurylys salasynyń mamandaryn daıyndaıdy. Onyń ishinde Óskemen jáne Semeı qalalarynda eki beıindi kolledj bar.
2021 jyly oqý oryndarynda 437 stýdent dıplom alǵan. Qazirgi ýaqytta qurylys mamandyǵy boıynsha 1 006 stýdent bilim alyp jatyr.
