Shyǵys Qazaqstanda kúnbaǵys maıyn shyǵaratyn zaýyt salynyp jatyr

ÓSKEMEN. QazAqparat – Shyǵys Qazaqstan oblysy Glýbokoe aýdanynda maı ekstraktsııalaý kesheniniń qurylysy júrgizilýde, dep habarlaıdy QazAqparat tilshisi.

Glýbokoe aýdanyndaǵy «Altyn Shyǵys» JShS maı ekstraktsııalaý kesheninde 1000 tonnadan astam kúnbaǵys maıyn shyǵarý josparlanyp otyr.

Quny 28 mlrd teńge bolatyn joba «Bıznestiń jol kartasy – 2020» memlekettik baǵdarlamasy aıasynda júzege asyrylýda.

«Búginde keshende kúnbaǵys ıadrosyn óndirý boıynsha tseh salyndy. Tazartylǵan ıadro óndirisimen kúnbaǵys tuqymyn qaıta óńdeý boıynsha jabdyq testilik rejımde iske qosyldy. 8 tsehtyń qurylysyna irgetastar quıyldy. Infraqurylym júrgizý (sýmen qamtamasyz etý jáne elektrmen qamtamasyz etý) «Bıznestiń jol kartasy – 2025» baǵdarlamasy boıynsha júzege asyrylady», - deıdi aýdan ákimi Tamara Rahymjanova.

Sonymen qatar atalǵan baǵdarlama aıasynda aýdanda 4 joba sýbsıdııalanǵan.

Atap aıtqanda, taýar men jabdyq satyp alý jáne jóndeý, júk tasymaldaý qyzmetin keńeıtý, dándi jáne dándi-burshaqty daqyldardy ósirý boıynsha qyzmetti damytý jobalary.