Shyǵys Qazaqstanda qudyqqa qulap ketken 27 jastaǵy jigit qutqaryldy
ÓSKEMEN. QazAqparat – Shyǵys Qazaqstan oblysy Altaı aýdanynda qudyqqa qulap ketken er adam qutqaryldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, Altaı qalasyndaǵy Zyrıanovskaıa kóshesinde kele jatqan 27 jastaǵy jigit abaısyzda qudyqqa qulap ketken.
Oǵan №3 mamandandyrylǵan órt sóndirý bóliminiń qyzmetkerleri kómekke kelip jetti.
«Qutqarýshylar er adamdy arqanmen alyp shyqty. Dene jaraqatyn alǵan azamatty jedel járdem dárigerleri aýrýhanaǵa jetkizdi. Belgili bolǵandaı, túnde kele jatqan ol telefonnnyń qyzyǵyna kirip ketkeni sonsha ashyq turǵan qudyqty kórmeı qalǵan», - dep habarlady vedomstvo ókilderi.
Osy rette departament mamandary óńir jurtshylyǵyna qaýipsizdik sharalaryn árkez esten shyǵarmaýdy eskertedi.
