Shyǵys Qazaqstanda QR AShM ınspektorlaryna shabýyl jasaldy

NUR-SULTAN. QazAqparat - Shyǵys Qazaqstan oblysynda brakonerler memlekettik ınspektorlarǵa shabýyl jasady, dep habarlaıdy QazAqparat QR AShM Orman sharýashylyǵy jáne janýarlar álemi komıtetine silteme jasap.

Balyqtardyń ýyldyryq shashýy kezinde ınspektorlar josparly reıd júrgizgen.

«23 sáýirde keshki saǵat 18.30-dar shamasynda Kókpekti orman sharýashylyǵy jáne janýarlar dúnıesi bóliminiń memlekettik ınspektorlary balyqtardyń ýyldyryq shashý kezinde Shyǵys Qazaqstan oblysy, Jaısan kóliniń Bazarka aýmaǵynda reıd júrgizgen. Reıd barysynda bólimniń eki ınspektoryna Tassaı aýylynyń turǵyndary tarapynan shabýyl jasaldy», - dep jazdy QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet áleýmettik jelide.

Baspasóz hatshysynyń habarlaýynsha, 5 qaıyqtaǵy 10 adam ınspektorlarǵa kúsh kórsetip, balaǵattap, eskektermen qaıyqty uryp-soǵyp, aýdaryp jibermek bolǵan.

Atalǵan fakti boıynsha Kókpekti aýdandyq polıtsııa bólimine aryz joldandy.