Shyǵys Qazaqstanda qos azamattyǵy bar 28 adam anyqtaldy
ShQO polıtsııa departamenti baspasóz qyzmetiniń málimetine súıensek, tártip saqshylary jyl basynan beri qos azamattyǵy bar 28 adamdy jaýapqa tartqan.
Máselen, jýyqta Glýbokoe aýdandyq PB kóshi-qon qyzmetiniń ókilderi el aýmaǵynda bolǵan kezde Qazaqstan azamatynyń qujattaryn paıdalanǵan Reseı Federatsııasynyń azamatyn anyqtady.
Osylaısha, ol azamattyq týraly zańnamany buzǵan.
Budan bólek, Semeı qalasynyń turǵyny kvazımemlekettik sektorda jumys istep júrse de Altaı ólkesinde Reseı Federatsııasynyń azamattyǵyn alǵan.
Oǵan qatysty QR ÁQBtK 496-babyna sáıkes ákimshilik hattama toltyrylyp, 100-den 200 AEK-ke deıin aıyppul salyndy.
Sondaı-aq Qazaqstan Respýblıkasynyń azamattyǵynan aıyryldy.
Vedomstvo málimetinshe, QR Konstıtýtsııasyna sáıkes elde qos azamattyqqa jol berilmeıdi. Alaıda memleketten tys jerlerge ýaqytsha shyǵatyn azamattar basqa eldiń azamattyǵyn qabyldap jatady.
«PD kóshi-qon qyzmeti basqarmasy turaqty negizde qos azamattyqty anyqtaý boıynsha jumys júrgizýde. Onyń ishinde sheteldik azamattyqty alý faktileri týraly belgilengen merzimde habarlamaǵany úshin - 8 adam, Qazaqstan Respýblıkasy azamatynyń jeke basyn kýálandyratyn qujattardy paıdalanǵany úshin - 20 adam jaýapqa tartyldy», - dedi ShQO PD Kóshi-qon qyzmeti basqarmasynyń bastyǵy Erbol Bekpaev.
