Shyǵys Qazaqstanda koronavıýstyń órshýine ne sebep
ÓSKEMEN. QazAqparat – Shyǵys Qazaqstan oblysynda koronavırýs juqtyrǵandar sany azaımaı tur, dep habarlaıdy QazAqparat tilshisi.
ShQO sanıtarlyq-epıdemıologııalyq baqylaý departamenti basshysynyń mindetin atqarýshy Talǵat Tuńǵyshbaevtyń aıtýynsha, oblys koronavırýs ınfektsııasynyń epıdemıologııalyq jaǵdaıy boıynsha «qyzyl aımaqqa» kiredi. 17 qarashada bir táýlik ishinde qaýipti dertke shaldyqqan 230 adam tirkeldi.
«Kópshilik arasynda «Aımaqta juqpaly aýrýdyń osynshama tez taraýyna ne sebep?» degen suraq týyndaýda. Negizinen osyndaı ahýal kútilgen. Sebebi Shyǵys Qazaqstanda koronavırýstyń birinshi tolqynynda epıdemıologııalyq jaǵdaı baqylaýda boldy. Al qazir ınfektsııa halyq arasynda jappaı taralyp jatyr», - dedi Talǵat Tuńǵyshbaev.
Onyń aıtýynsha, birinshi kezekte óńirdiń klımatyn, geografııalyq ornyn eskerý kerek. COVID-2019 ınfektsııasy tumaý sııaqty, dál osy kezeńde tez tarala bastaıdy.
«Ekinshiden, Shyǵys Qazaqstanda indettiń órshýine oblys turǵyndary men kásipkerlik sýbektileriniń epıdemııaǵa qarsy shekteýdi saqtamaýy sebep boldy. Úshinshiden, halyqtyń belsendi kóshi-qony. Osy rette aıta ketý kerek, kórshi memleketterdiń shekaralas aımaqtarynda vırýs juqtyrǵardardyń kúrt ósýi baıqalady», - dedi departament basshysynyń mindetin atqarýshy.
