Shyǵys Qazaqstanda koronavırýstyń ekinshi tolqynyna daıyndyq qalaı júrgizilýde
ÓSKEMEN. QazAqparat – Shyǵys Qazaqstan oblysyndaǵy aýrýhanalarda juqpaly indettiń ekinshi tolqynyna daıyndalý maqsatynda 7069 tósek-oryn daıyndalǵan, dep habarlaıdy QazAqparat tilshisi.
Óńirde koronavırýs indetiniń ekinshi tolqynyna daıyndyq qarqyndy túrde júrgizilýde. Aýrýhanalarda 7069 oryn daıyndalyp, 10 sandy rentgen apparat, 158 ÓJJ apparaty jáne 1066 ottegi kontsentratorlary satyp alynǵan.
«7069 tósek-orynnyń 2038-i ınfektsııalyq, al 2872-i provızorlyq bólimshelerge qoıylǵan. Sonymen qatar karantındik aımaqqa 2159 tósek ornalastyrylady. Qyrkúıek aıynda juqpaly aýrýlar ortalyǵy burynǵy medıtsınalyq jedel járdem aýrýhanasynyń ǵımaratynda jumysyn bastady. Ondaǵy barlyq tósek-oryndar ortalyqtandyrylǵan ottegi júıesiniń statsıonarlarymen qamtamasyz etilgen», - deıdi ShQO Densaýlyq saqtaý basqarmasy basshysynyń orynbasary Raıfa Safıollınova.
Óńirde tumaý jáne JRVI maýsymyna oraı 88 359 vaktsına satyp alynyp, taǵy 160 000 vaktsına alý josparlanǵan.
Aıta keteıik, ótken jyldyń qazan aıynan beri aımaqta jalpy sany 60 455 adam tumaý jáne JRVI aýrýlaryna shaldyqqan. Negizgi ósim osy jyldyń qańtar jáne aqpan aılarynda tirkeldi. Bıyl satyp alynǵan vaktsına kólemi ótken jylmen salystyrǵanda 2 esege artyp otyr.
