Shyǵys Qazaqstanda qorǵandardy aldyn ala zertteý qarjylandyrylady
ÓSKEMEN. QazAqparat - Bıyl Shyǵys Qazaqstanda arheologııalyq zertteý jalǵasady. Oblys ákimi Danııal Ahmetovtiń tóraǵalyǵymen ótken májiliste osy baǵyttaǵy jumys jospary talqylandy, dep habarlady oblys ákiminiń baspasóz qyzmetine silteme jasap «QazAqparat» HAA tilshisi.
Ǵalymdardyń pikirinshe, Shyǵys Qazaqstanda joǵary ǵylymı áleýeti bar birneshe júzdegen arheologııalyq eskertkish bar. Oblys ákiminiń tapsyrmasy boıynsha birinshi kezekte, qazba jumystaryn qaı jerde júrgizý qajettigin anyqtaý úshin birqatar qorǵandar aldyn ala qarjylandyrylady. Sonymen qatar, óńirde Berel, Shilikti ańǵary, Erek, Sazy jáne t.b. qorymdarynda jumys jalǵasady.
Ótken jyly oblys basshylyǵynyń qoldaýymen ǵalymdar Qazaqstannyń ejelgi tarıhynyń bas eskertkishin zerttedi. Osy ekspozıtsııa nátıjesinde oblystyq tarıhı-ólketaný murajaıynyń «Ata-baba murasy» 3 myń jańa jádigermen tolyqty. Májiliste Shilikti ańǵaryndaǵy qorǵanda sarkofag pen Óskemende salynatyn murajaı ǵımaratynyń eskızderi qaraldy.
