Shyǵys Qazaqstanda kolonııaǵa esirtki ótkizbek bolǵan azamat ustaldy
ASTANA. Qyrkúıektiń 1-i. QazAqparat /Ǵalymjan Hasenov/ - Búgin túnde Shyǵys Qazaqstanda kolonııa aýmaǵyna esirtki laqtyrý áreketi ústinde bir azamat ustaldy. Tekserý barysynda álgi azamattyń 2008 jyly túrmeden shyqqany anyqtaldy,
dep habarlady Ádilet mınıstrliginiń Qylmystyq atqarý júıesi komıtetinen.
Komıtettiń rejım basqarmasynyń bastyǵy Renat Qabıevtiń aıtýynsha, esirtki tasymaldaýshyny qolǵa túsirý operatsııasyn búgin túnde saǵat ekiler shamasynda Jarma aýdanynyń polıtseıleri birlesip júzege asyrǵan. Sot-hımııalyq saraptama eki polıetılen qapshyqqa salynǵan zattyń salmaǵy 1 kelideı marıhýana ekenin qýattady.
Jyldyń basynan beri respýblıka boıynsha túzetý mekemelerine esirtki jetkizý áreketteriniń joldaryn kesý barysynda 26 keliden astam túrli esirtki tárkilenip, 106 qylmystyq is qozǵalǵan.
