Shyǵys Qazaqstanda kólik muz astyna túsip ketti
ÓSKEMEN. QazAqparat – Shyǵys Qazaqstan oblysynda kólik muz astyna túsip ketti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, oqıǵa Kókpekti aýdanynyń aýmaǵynda bolǵan.
«Toıota» kóligi Ertiste muz astyna qulap ketti. 53 jastaǵy Óskemen qalasynyń turǵyny birden polıtseılerge habarlasyp, kómek suraǵan.
«Oqıǵa ornyna tártip saqshylary shuǵyl kelip jetti. Olar kólikti muzdan alyp shyqty. Júrgizýshi esh jaraqat alǵan joq», - dep habarlady vedomstvo ókilderi.
Esterińizge sala ketsek, osyǵan deıin ShQO qutqarýshylarynyń muzdaǵy jazataıym oqıǵalardyń aldyn alý úshin 1694 ret reıdke shyqqanyn habarlaǵan edik.
