Shyǵys Qazaqstanda kólik ǵımaratqa soǵyldy
ÓSKEMEN. QazAqparat – Shyǵys Qazaqstan oblysynda avtokólik júrgizýshisi rýlge ıe bola almaı tehnıkalyq qyzmet kórsetý stantsııasynyń ǵımaratyna soǵylǵan, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 7 qańtarda saǵat 13:00 shamasynda Altaı qalasynda bolǵan. Toyota kóliginiń júrgizýshisi Matrosov kóshesinde rýlge ıe bola almaı, tehnıkalyq qyzmet kórsetý stantsııasy ǵımaratyna soǵyldy. Sol kezde stantsııa esiginiń aldynda 2 adam turǵan.
«Jol-kólik oqıǵasy saldarynan jaraqat alǵan azamattar birden medıtsınalyq mekemege jetkizildi», - dep habarlady vedomstvo ókilderi.
Qazirgi ýaqytta Altaı qalalyq polıtsııa bóliminiń tártip saqshylary birqatar saraptama taǵaıyndaǵan. Sonyń nátıjeleri boıynsha protsessýaldyq sheshim qabyldanady.
