Shyǵys Qazaqstanda kólik apatynan eki adam kóz jumdy
SEMEI. QazAqparat – ShQO-da kólik apatynan eki adam ajal qushyp, beseýi aýrýhanaǵa tústi, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Málimetke saı, oqıǵa 15 maýsym kúni 16:05-te «Omsk-Maıqapshaǵaı» tasjolynda bolǵan. «Mazda» markaly kóliktiń júrgizýshisi Shar qalasynan 15 shaqyrym jerde qarsy betke shyǵyp ketip, «Toıota Korolla» kóligimen betpe-bet soqtyǵysqan. Apattan 45 jastaǵy «Mazda» kóliginiń júrgizýshisi men osy kólikte bolǵan 65 jastaǵy jolaýshy áıel til tartpastan jan tapsyrǵan.
«Toıota Korolla» kóliginiń júrgizýshisi men onda bolǵan 4 jolaýshy túrli jaraqattarmen aýrýhanaǵa jetkizildi. Osy faktige baılanysty QR QK 345-baby 4-bóligi boıynsha sotqa deıingi tergeý bastalyp, birqatar sot saraptamasy taǵaıyndaldy» delingen ShQO ІІD baspasóz qyzmeti taratqan habarlamada.
