Shyǵys Qazaqstanda kıeli jerlerdiń kartasyna 20 meken kiredi

ÓSKEMEN. QazAqparat - Búgin oblys ákimi Danıal Ahmetov jumys tobynyń múshelerimen Shyǵys Qazaqstanda jasalynyp jatqan óńirlik rýhanı sanany jańǵyrtý baǵdarlamasyn egjeı-tegjeıli talqylady. Bul týraly «QazAqparat» HAA tilshisi habarlady.

Jınalysqa qatysýshylar Memleket basshysynyń «Bolashaqqa baǵdar: rýhanı sanany jańǵyrtý» maqalasynda atalyp ótilgen mańyzdy aspektilerdi talqylady.

Óńirde QR Prezıdenti atap ótken baǵyttardy júzege asyrý boıynsha baǵdarlamalar jasalyp jatyr.

Óńirlik baǵdarlama aıasynda ShQO-da Kıeli jerler kartasy jasalynýda. Bul tizimge Abaı aýdanyndaǵy Qońyr áýlıe úńgiri, Shilikti qorǵany, Sıbın kóli jáne aýdandardaǵy basqa da kórikti mekender kiredi.

Kartaǵa kiretin barlyq nysandardyń tarıhı, arheologııalyq jáne ǵylymı mańyzy bolýy tıis. Bul máselemen quramyna basqarma basshylary, JOO rektorlary men ǵalymdar kiretin arnaıy jumys toby aınalysýda.