Shyǵys Qazaqstanda qaıyqpen adasyp ketken 2 adamǵa qutqarýshylar kómekke keldi

ÓSKEMEN. QazAqparat – Shyǵys Qazaqstan oblysynda qaıyqpen adasyp ketken 2 adamǵa qutqarýshylar kómekke keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 6 shilde kúni Altaı aýdanyndaǵy Buqtyrma sý qoımasynda bolǵan.

«Qutqarýshylarǵa demalys bazalarynyń birinde sý qoımasyna qaıyqpen júzýge ketken eki adamnyń baılanysqa shyqpaı, joǵalyp ketkeni týraly habar tústi. Jedel-qutqarý jasaǵynyń qyzmetkerleri dereý olardy izdeýge kiristi. Belgili bolǵandaı, demalýshylar qarama-qarsy jaǵalaýǵa qaraı baǵyp alyp, adasyp ketken. Qutqarýshylar ekeýin demalys ornyna jetkizdi. Olarǵa medıtsınalyq kómek qajet bolmady», - delingen aqparatta.

Osy rette, oblystyq TJD qyzmetkerleri demalýshylarǵa eske salady:

- júzý quraldarymen júrgen kezde qutqarý keýdesheleriniń bolýy mindetti.

- sýǵa shyqpas buryn júzý quralynyń jaramdylyǵyn tekserińiz;

- qaıyqty shamadan tys júktemeńiz;

- qozǵalys kezinde júrýge nemese qaıyqtyń shetine otyrýǵa bolmaıdy;

- balalardy júzý quraldarynda jalǵyz qaldyrmańyz.