Shyǵys Qazaqstanda qatty jelden dala órtiniń beti qaıtpaı jatyr

ÓSKEMEN. QazAqparat – Shyǵys Qazaqstan oblysynda qatty jel saldarynan dala órtiniń beti qaıtpaı jatyr, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Óskemende órt sóndirýshiler dala órtimen kúresip jatyr.

Tilsiz jaý 27 maýsymda qaladaǵy Stanıslavskıı kóshesiniń boıyndaǵy Skalıstoe saıajaı qaýymdastyǵynda shyqqan. Jalynnyń jalpy aýdany - shamamen 2 gektar.

«Ashyq alańda shóp órtenýde. Jaǵdaıdy qatty jel men tehnıkanyń jetýine qıyn taýly jer qıyndatýda. Órtti sóndirýge oblystyq TJD men orman sharýashylyǵynan 68 adam jáne 13 tehnıka jumyldyryldy», - delingen aqparatta.

Eske salsaq, osyǵan deıin Óskemende halyqqa qyzmet kórsetý ortalyǵy otqa oranǵany habarlanǵan.