Shyǵys Qazaqstanda qatty jel birneshe ǵımarattyń shatyryn ushyryp áketti
ÓSKEMEN. QazAqparat – Shyǵys Qazaqstan oblysynda qatty jel birneshe ǵımarattyń shatyryn ushyryp áketti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, búgin Aıagóz qalasy men Ulan aýdany Besterek aýylynda qatty soqqan jel ǵımarattardyń shatyryn ushyryp jibergen.
«Zardap shekken eshkim joq. Sol jerlerde jergilikti atqarýshy organ ókilderinen quralǵan komıssııa jumys istep jatyr», - delingen aqparatta.
Aıta keteıik, 18 qarashada oblysta daýyldy eskertý jarııalanǵan bolatyn. Qar jaýyp, boran soǵady dep kútilýde.
Ońtústik-batystan soltústik-batysqa aýysatyn jel jyldamdyǵy sekýndyna 15-20 metrge, oblystyń ońtústiginde jáne soltústik-shyǵysynda 23-28 metrge, keı jerlerde tipti 30 metrge deıin jetedi.
