Shyǵys Qazaqstanda qasqyrlardy atýǵa 4 mln teńgeden astam qarjy jumsaldy
ASTANA. QazAqparat - Shyǵys Qazaqstan oblysynda jyrtqyshtardyń sanyn retteý maqsatynda qasqyrlardy óltirý jalǵasýda. Olardy atý úshin 4 mln 176 myń teńge jumsalǵan, dep jazady YK-news.kz.
ShQO Tabıǵı resýrstar jáne tabıǵat paıdalanýdy retteý basqarmasy habarlaǵandaı, 2016 jyldyń 1 jeltoqsan kúngi deregi boıynsha, oblysta 348 qasqyr men 22 bóltirik atyp óltirildi. Jyrtqyshtardy ańshylyq bıleti men ańshylyq jasaý ruqsaty bar qarapaıym azamattar joıa alady.
Áýesqoı ańshylardy yntalandyrý maqsatynda bul úshin memlekettik syıaqy taǵaıyndalǵan. Sonymen, qasqyrdy óltirgeni úshin - 12 myń teńge, al bóltirikti atqany úshin - 6 000 teńge beriledi.
