Shyǵys Qazaqstanda qasqyr atqandarǵa 12 myń teńgeden syıaqy beriledi
ÓSKEMEN. QazAqparat - Shyǵysqazaqstandyq ańshylar bıyl 320 qasqyrdy atyp alǵan, dep habarlaıdy QazAqparat Altaynews.kz portalyna silteme jasap.
ShQO tabıǵı resýrstar jáne tabıǵat paıdalanýdy retteý basqarmasynyń janýarlar álemin qorǵaý bólimi bergen málimetke súıensek, jyl saıyn aımaqtaǵy jyrtqysh ańdardyń sanyn retteý boıynsha sharalar júrgiziledi. Osy sharalar aıasynda bıyl 320 qasqyr atyp alynǵan.
Oblys boıynsha jalpy qasqyrdyń sany - 1038. Bul - ótken jyly tirkelgen kórsetkish. Sońǵy úsh jylda qasqyrdyń sany turaqty, 1200-den aspaǵan. QR Bilim jáne ǵylymı mınıstrligine qarasty Zoologııa Instıtýtynyń usynysyna sáıkes, qasqyrdyń jalpy popýlıatsııadan 50 paıyzyn atyp alý qajet eken.
Qasqyr aýlaýǵa jyldyń kez kelgen mezgilinde shyǵýǵa bolady. Olardy atyp alýdyń birneshe ádis-tásilderi de bar. Arnaıy ruqsat alýdyń qajeti joq.
Qasqyr atý naýqanynda jergilikti bıýdjetten jyl saıyn syıaqy bólinip otyrady: eresek qasqyr úshin - 12 000 teńge, bóltirik úshin - 6000 teńge mólsherinde.
