Shyǵys Qazaqstanda qarǵyn sýdy burý jumysy júrgizilip jatyr

ÓSKEMEN. QazAqparat – Shyǵys Qazaqstan oblysynda qarǵyn sýdy burý jumysy júrgizilýde, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Glýbokoe aýdanynda aryq júıesi arqyly ótetin qarǵyn sý Kazachenko kóshesindegi kólik jolyna shyǵyp ketken.

«Qutqarýshylar men jergilikti atqarýshy organ ókilderi qazirgi ýaqytta arnaıy tehnıka men jeke quramnyń kómegimen Ertis ózenine sý burý jumystaryn qolǵa alǵan. Sý basqan úıler joq» delingen habarlamada.

Vedomstvo dereginshe, atalǵan aýmaqqa 350 dana ydys-qap tóseldi. Oqıǵa ornynda barlyǵy 2 tehnıka men jeke quramnan 24 adam jumyldyrylǵan.

Aıta keteıik, Glýbokoe aýdanynda arnaıy shtab jumys isteıdi.

Ondaǵy mamandar jaǵdaıdy baqylap, sý basýdyń aldyn alý úshin tıisti sharalardy atqarýda.