Shyǵys Qazaqstanda karantındik shekteý 30 mamyrǵa deıin uzartyldy

ÓSKEMEN. QazAqparat – Shyǵys Qazaqstan oblysynda karantındik shekteýler 30 mamyrǵa deıin uzartyldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 30 mamyrǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

Búginde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń toltyrylý deńgeıi – 14,2%. Oblys boıynsha ınfektsııanyń reprodýktıvtik R sany – 1,002.

«Qyzyl aımaqta» turǵan Óskemen, Semeı qalalarynda jáne Aıagóz aýdanynda vırýs juqtyrǵandar sany odan saıyn artyp ketpes úshin shekteý sharalarynyń saqtalýyn qatań qadaǵalaý qajet», - delingen qujatta.

Esterińizge sala ketsek, osyǵan deıin Óskemende 137 nysan «Ashyq» jobasyna qatysqanyn habarlaǵan bolatynbyz.