Shyǵys Qazaqstanda karantın sharalary 8 jeltoqsanǵa deıin uzartyldy
ShQO bas memlekettik sanıtar dárigeriniń «oblys turǵyndary arasynda COVID-19 ınfektsııasynyń aldyn alý boıynsha shekteý sharalaryn kúsheıtý týraly» 2020 jylǵy 10 qarashadaǵy №24 qaýlysyna ózgerister men tolyqtyrýlar engizildi.
Qujatta jazylǵandaı, óńir boıynsha karantın 8 jeltoqsanǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
«Rıdder qalasynda, Glýbokoe jáne Altaı aýdandarynda ornalasqan bazarlardy qospaǵanda, ǵımarattan tys jerde azyq-túlik satatyn oryndardyń aptanyń barlyq kúninde saǵat 08.00-den 18.00-ge deıin jumys isteýine ruqsat etildi. Al azyq-túlikten basqa taýar satatyn saýda nysandary dúısenbiden jumaǵa deıin saǵat 08.00-18.00 aralyǵynda ashyq bolady. Olardyń demalys (senbi, jeksenbi) jáne mereke kúnderi jumys isteýine tyıym salynǵan», - delingen qaýlyda.