Shyǵys Qazaqstanda karantın 17 qazanǵa deıin uzartyldy

ÓSKEMEN. QazAqparat – Shyǵys Qazaqstan oblysynda karantın shekteýi 17 qazanǵa deıin uzartyldy, dep habarlaıdy QazAqparat tilshisi.

ShQO bas memlekettik sanıtar dárigeriniń jańa qaýlysy jarııalandy. Onda jazylǵandaı, óńir boıynsha karantın 17 qazanǵa deıin uzartyldy.

Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.

Búginde COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń tolý deńgeıi – 17,4%.

Oblys boıynsha ınfektsııanyń reprodýktıvtik R sany – 0,984.

Osy rette ShQO sanıtarlyq-epıdemıologııalyq baqylaý departamenti halyqty karantın talaptary men respýblıkalyq, oblystyq bas memlekettik sanıtar dárigerlerdiń qaýlysyndaǵy búkil shekteýlerdi saqtaýǵa shaqyrady.