Shyǵys Qazaqstanda qaraǵaıly orman órtenip jatyr
NUR-SULTAN. QazAqparat – Shyǵys Qazaqstan oblysynyń Besqaraǵaı aýdany aýmaǵyndaǵy «Semeı ormany» memlekettik orman tabıǵı rezervatynda qaraǵaılar órtenip jatyr, dep habarlaıdy QazAqparat Tótenshe jaǵdaılar komıtetine silteme jasap.
Órtti sóndirýge oblystyq TJD men «Semeı ormany» tabıǵı rezervatynyń 73 qyzmetkeri men 13 tehnıkasy jumyldyryldy. Sonymen qatar qyzyl jalyndy aýyzdyqtaýǵa MI-2 tikushaǵy men ShQO ákimdiginiń áýe bólimshesiniń sý shashatyn qurylǵysy bar MI-8 tikushaǵy tartylǵan. Orman órtinen eldi mekenderge qaýip tónip turǵan joq.
Qazirgi ýaqytta Shyǵys Qazaqstan oblysynda aýa temperatýrasy +30 gradýs ystyq. Buǵan qosa batystan ekpini 10 metr, keıde 14 metrge jetetin jel soǵyp tur.
