Shyǵys Qazaqstanda qar qursaýynda qalǵan 10 balyqshy qutqaryldy
ÓSKEMEN. QazAqparat – Shyǵys Qazaqstan oblysy Ulan aýdanynyń qutqarýshylary qar qursaýynda qalǵan 10 balyqshyny evakýatsııalady, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, daýyldy eskertý jarııalanǵanyna qaramastan Ulan aýdanyndaǵy balyqshylar 3 kólikke minip, Kamenskaıa sý qoımasyna bet alǵan.
Sóıtip olar qar qursaýynda qalyp qoıdy.
«Oqıǵa ornyna qutqarýshylar arnaıy tehnıkamen kelip jetti. 10 adam evakýatsııalanyp, úsh kólik joldyń qaýipsiz bóligine jetkizilgen. Azamattarǵa medıtsınalyq kómek qajet bolǵan joq», - dep habarlady vedomstvo ókilderi.
Osy rette, TJD turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
Eger jolda qıyn jaǵdaıǵa tap bolsańyz, dereý «112» nómirine habarlasý qajet.
