Shyǵys Qazaqstanda qar kóshkinine baılanysty jol jabyldy
ÓSKEMEN. QazAqparat - Búgin saǵat 12:00-den bastap Óskemen - Taýly Úlbi - Soltústik avtomobıl jolynda qardy aldyn ala kóshirý jumystary bastaldy, dep habarlaıdy QazAqparat tilshisi.
«Avtomobıl jolynyń 30-37 kılometrleri arasyndaǵy ýchaskede qar kóshiriletindikten, jol ýaqytsha jabyldy», - dep málimdedi oblystyq tótenshe jaǵdaılar departamenti.
Sońǵy eki kúnde óńirdegi bes ýchaskede aldyn ala qardy kóshirý jumystary júrgizilgen.
Oblystaǵy taýly aımaqtarda qys bastalǵaly beri 25 ret qar kóshirilgenine qaramastan, kóshkin qaýpi saqtalyp otyr.
Avtory: Lıýdmıla Malko
