Shyǵys Qazaqstanda qar kóshkini júrdi

ÓSKEMEN. QazAqparat - Shyǵys Qazaqstan oblysynda qar kóshkini júrdi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, óńirde qar kóshkini júrdi.

«Óskemen-Taýly Úlbi-Soltústik» tasjolynyń ýchaskesinde jalpy kólemi 150 tekshe metr qar kóshkini júrdi. Bul ýaqytta atalǵan jol jabyq bolatyn. Jaýapty mekemelerdiń jumysshylary joldy birden tazartty, - dep habarlady vedomstvo ókilderi.

«Qazseldenqorǵaý» ShQ fılıalynyń mamandary qar kóshkinin jasandy jolmen de túsirip jatyr. Qys mezgiliniń basynan beri óńirde 80 000 tekshe metrden astam qar túsirilgen.

Eske salsaq, 5 qańtarda dál osy tasjoldyń boıynda qar kóshkini júrgen bolatyn.