Shyǵys Qazaqstanda qar kóshkini júrdi

ÓSKEMEN. QazAqparat - Shyǵys Qazaqstan oblysynda qar kóshkini júrdi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 14 jeltoqsanda saǵat 4.20-da mınýtta respýblıkalyq mańyzy bar «Óskemen-Altaı-Katonqaraǵaı-Rahman qaınarlary» tasjolynyń 62 shaqyrymynda (Altaı aýdanynyń aýmaǵy) qar kóshkini júrdi.

«Kólemi 1170 tekshe metr bolatyn eki qar kóshkini joldy jaýyp qaldy. Zardap shekken eshkim joq. Jergilikti atqarýshy organ ókilderi men jol qyzmetkerleri joldy qardan tazartty», - delingen aqparatta.

Aıta keteıik, TJD jáne Qazseldenqorǵaý ShQO fılıaly azamattardy óńirdegi kóshkin qaýpi týraly aldyn ala habardar etken.